नेपाली बजारमा मंगलबार सुनको मूल्य हालसम्मकै उच्च विन्दुमा पुगेको छ। नेपाल सुनचाँदी व्यवसायी महासंघका अनुसार छापावाल सुन तोलामा १ लाख ७१ हजार ३०० रुपैयाँ कायम भएको छ।
सोमबार छापावाल सुनको मूल्य १ लाख ७० हजार ८०० रुपैयाँ थियो। सोही आधारमा मंगलबार सुनको मूल्य ५०० रुपैयाँले बढेर नयाँ रेकर्ड कायम गरेको हो। यसअघि सुनको मूल्य अधिकतम १ लाख ७१ हजार रुपैयाँसम्म पुगेको थियो।
यस्तै, चाँदीको मूल्यमा भने गिरावट आएको छ। सोमबार तोलामा १ हजार ९८५ रुपैयाँ रहेको चाँदी मंगलबार १५ रुपैयाँ घटेर १ हजार ९७० रुपैयाँमा कारोबार भएको छ।
