नेपाली बजारमा बिहीबार सुनको मूल्य तोलामा १ लाख ७० हजार ३०० रुपैयाँ कायम भएको छ। नेपाल सुनचाँदी व्यवसायी महासंघ का अनुसार, अघिल्लो दिनको तुलनामा २ सय रुपैयाँले घटेर सो मूल्य निर्धारण भएको हो।
महासंघका अनुसार, बुधबार छापावाल सुनको मूल्य १ लाख ७० हजार ५०० रुपैयाँ थियो, जसमा बिहीबार सामान्य गिरावट आएको छ।
यस्तै, चाँदीको मूल्य भने सामान्य रूपमा वृद्धि भएको छ। बुधबार १ हजार ९४० रुपैयाँ प्रतितोला रहेको चाँदी बिहीबार ५ रुपैयाँले बढेर १ हजार ९४५ रुपैयाँ पुगेको छ।
बजार विश्लेषकहरूका अनुसार, अन्तर्राष्ट्रिय बजारको उतारचढावका कारण सुनको मूल्य घट्दा चाँदीमा भने सामान्य वृद्धि देखिएको हो।
