इन्डियन प्रिमियर लिग (आईपीएल) २०२५ अन्तर्गत आइतबार दुई रोमाञ्चक खेल हुनेछन्। पहिलो खेलमा सनराइजर्स हैदरावादले राजस्थान रोयल्ससँग प्रतिस्पर्धा गर्नेछ। यो खेल नेपाली समय अनुसार दिउँसो ३:४५ बजे हैदरावादमा सुरु हुनेछ।
दोस्रो खेलमा चेन्नई सुपर किंग्स र मुम्बई इन्डियन्स बीच प्रतिस्पर्धा हुनेछ। यो खेल साँझ ७:४५ बजे चेन्नईमा सुरु हुनेछ।
आईपीएल २०२५ को उद्घाटन खेल शनिबार भएको थियो। उद्घाटन खेलमा रोयल च्यालेन्जर्स बैंगलुरुले कोलकाता नाइट राइडर्सलाई ७ विकेटले पराजित गर्दै विजयी सुरुवात गरेको थियो। कोलकाताले २० ओभरमा ८ विकेट गुमाएर १७४ रन बनाएको थियो। बैंगलुरुले १६.२ ओभरमा ३ विकेट गुमाएर १७७ रन बनाउँदै लक्ष्य हासिल गरेको थियो।
यस वर्षको आईपीएलमा रोमाञ्चक प्रतिस्पर्धाको सुरुवात भएको छ। प्रशंसकहरूले हैदरावाद र चेन्नईमा हुने खेलहरूको पनि बिस्तारै प्रतीक्षा गरिरहेका छन्।
