युरोपेली क्षेत्रको विश्वकप छनोट अन्तर्गत सोमबार राति भएको खेलमा नर्वेले इस्टोनियालाई १–० ले पराजित गरेको छ। नर्वेका लागि एर्लिङ हलान्डले एक मात्र निर्णायक गोल गरेका हुन्। चालु छनोट चरणमा हलान्डको यो चौथो गोल हो।
यस जितसँगै नर्वे १२ अंक जोड्दै समूहको शीर्ष स्थानमा उक्लिएको छ। सोही समूहको अर्को खेलमा इटालीले माल्डोभालाई २–० ले हराएको छ।
इटालीका प्रशिक्षक लुसियानो स्पालेटीको अन्तिम खेलमा जियाकोमो रास्पाडोरीले ४०औं मिनेटमा पहिलो गोल गरे भने दोस्रो हाफमा आन्द्रेआ काम्बासोले टोलीको जित पक्का गर्ने दोस्रो गोल थपे।
समूहको स्थितिअनुसार नर्वे र इस्टोनियाले चार–चार खेल खेलेका छन्, इजरायलले तीन खेलबाट ६ अंक जोड्दै दोस्रो स्थानमा छ। इटालीले मात्र दुई खेल खेलेको छ र ३ अंकसहित तेस्रो स्थानमा रहेको छ।
