शुक्रबार नेपाली बजारमा सुनचाँदीको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार बिहीबारको तुलनामा छापावाल सुन तोलामा ४०० रुपैयाँले बढेको हो।
महासंघले सार्वजनिक गरेको विवरणअनुसार शुक्रबार छापावाल सुन तोलाको मूल्य १ लाख ९५ हजार २०० रुपैयाँ पुगेको छ। बिहीबार यो मूल्य १ लाख ९४ हजार ८०० रुपैयाँमा सीमित थियो।
यस्तै, चाँदीको मूल्यमा पनि वृद्धि भएको छ। बिहीबार तोलामा २ हजार २९० रुपैयाँमा कारोबार भएको चाँदी शुक्रबार बढेर तोलामा २ हजार ३१० रुपैयाँ पुगेको महासंघले जनाएको छ।
