नेपाल पञ्चाङ्ग निर्णायक विकास समितिले यस वर्षको दशैंका विभिन्न शुभ साइत सार्वजनिक गरेको छ। समितिका अध्यक्ष प्रा. शम्भु प्रसाद ढकालका अनुसार घटस्थापनाको साइत असोज ६ गते सोमबार बिहान ९:१३ बजे रहेको छ। यसैगरी, दसैँको टीकाको शुभ साइत असोज १६ गते बिहीबार बिहान ११:५३ बजे रहेको जानकारी दिइएको छ।
वि.सं. २०८२ सालका मुख्य दशैंका शुभ साइतहरू यस प्रकार रहेका छन्:
-
असोज ६ गते– घटस्थापना बिहान ९:१३ बजे, नवरात्रारम्भ।
-
असोज ७ गते– झण्डा फेर्ने साइत बिहान ९:५३ बजे (पूर्व मोहडा)।
-
असोज ११ गते– श्रीपचलीभैरव यात्रा।
-
असोज १३ गते– फूलपाती र श्री तुलजाभवानी यात्रा बिहान ७:१७ बजे।
-
असोज १४ गते– महाष्टमी, कालरात्रि।
-
असोज १५ गते– महानवमी स्थिरासन बिहान ९:२३ बजे।
-
असोज १६ गते– विजया दशमी, देवी विसर्जन बिहान ९:२३ बजे; टीका लगाउने समय बिहान ११:५३ बजे। यसै दिन श्री तुलजाभवानी यात्रा, दिवा १२:१९ बजे स्थिरासन दिवा १:१७ बजे, खड्गयात्रा पनि हुनेछ।
-
असोज २० गते– अखिलबलिपूर्ति र कोजाग्रतव्रत/पूर्णिमाव्रत।
समितिको यस विवरणले परम्परागत संस्कार र पूजा–अर्चनालाई समयमै सम्पादन गर्न सहयोग पुग्ने विश्वास व्यक्त गरिएको छ।
