आगनमा फोहोर भए घर छाडी फरार हुन्छन्,
उनै हुन् मार्क्सवादी बाट ख्रूचेव र जार हुन्छन्।
सकिन्न यस्ताको व़खान गरी जस्को छैन नीति,
जस्लाई सामन्य कुरा घर छाड्ने आधार हुन्छन्।
के भनौं खै राजनीतिनै पेसाका लागि बनाउँदा,
नेता झोला बोकी हिड्छन् नीति व्यापार हुन्छन्।
सर्वहारा सुकुमबासीको नारा लगाउनेहरू यहाँ,
केही वर्ष पछि उनैको माझमा साहुकार हुन्छन्।
आफ्नै ख्याल गरौं नगरौं चिन्ता नगर आर्कैको,
सबै मानिसहरूको नै आआफ्नै बिचार हुन्छन्।
मन चङ्गा त कटौतीमै गङ्गा भन्ने कहावत सुन्दा,
आफू ठिकहौं केही गद्दार केही बफादार हुन्छन्।
॥१॥
कता कता लाग्छ यहाँ साहिद तिहार आउदै छ,
रङ्ग र बासी मिठाईलिएर दोकानदार आउदै छ।
धेरै खर्चिलो न बनाऊ ऋणी भए दुःख पाउला,
गाउँ घरमा समेत विदेशीको बाजार आउदै छ।
भैलोलाई समेत दक्षिणा सोंच बिचार गरेर दिनु,
दिनानुदिन नयाँ नयाँ भैलो लगातार आउदै छ।
तिहार दँशै चाढबाड सबैको घरमा आउछ सधैँ,
नेताको घरमा उपहार लिएर सरकार आउदै छ।
होस गर्नु सचेत रहनु देश विदेशमा बस्नु भएका,
साबधान दिन्दिनै लुटमारको समाचार आउदै छ।
खुसि हुनकै लागि कुनै तिहार पर्खिनु पर्दैन यहाँ,
उस्तै हो चाढवाड सधैँ समय अनुसार आउदै छ।
॥२॥
गजल
रूम कि हाँसु यो तिम्रो व्यवहार गराउदै छ,
आज जस्ले परायालाई हकदार गराउदै छ।
किनारामै बसेको छु माझि बनि समुन्दरको,
भमोरी बनेर सङ्कटमा मज्धार गराउदै छ।
मुसाफिर बनेर जीवन जिउने शुत्र खोजेको,
तर कालको परछाईँले इन्तिजार गराउदै छ।
खोला हिंड्ने बाटो पनि रहिछ लिलामी मा,
किन वेकार यो देशलाई सरकार गराउदै छ।
हिमाल उस्तै रोएको देख्छु पहाड मधेश नी,
दुष्टको कु दृष्टीले नै देशमा दरार गराउदै छ।
देख्दा देशभक्त झैं देखिनेहरू दलाल बन्दा,
विदेशीले आफ्नै स्वार्थ अनुसार गराउदै छ।
सुरेशकुमार पाण्डे दाङ घोराही १८
