इन्डियन प्रिमियर लिग (आईपीएल)मा आज पहिलो क्वालिफायर खेल हुँदैछ, जसमा रोयल च्यालेन्जर्स बेंगलुरु (आरसीबी) र गुजरात टाइटन्स आमनेसामने हुनेछन्। खेलको विजेता सिधै फाइनलमा प्रवेश गर्नेछ। खेल नेपाली समयअनुसार साँझ ७:४५ बजे धर्मशाला मैदानमा सुरु हुनेछ।
आरसीबी समूह चरणका १४ खेलमध्ये ९ जित निकाल्दै १८ अंकसहित शीर्ष स्थानमा रहँदै क्वालिफायर–१ मा पुगेको हो। समान १८ अंक भए पनि गुजरात टाइटन्स रनरेटका आधारमा दोस्रो स्थानमा रहँदै प्रतिस्पर्धामा उत्रिन लागेको हो। दुवै टोली उच्च लयमा रहेकाले खेल प्रतिस्पर्धात्मक हुने अपेक्षा गरिएको छ।
यता बुधबार हुने इलिमिनेटर खेलमा राजस्थान रोयल्स र सनराइजर्स हैदरावाद भिड्नेछन्। उक्त खेलको विजेताले क्वालिफायर–१ मा पराजित टोलीसँग दोस्रो क्वालिफायर खेल्नेछ भने पराजित टोली प्रतियोगिताबाट बाहिरिनेछ। आईपीएलको फाइनल भिडन्त आगामी आइतबार हुने तय भएको छ, जसका लागि टोलीहरू अन्तिम तयारीमा जुटेका छन्।
