बझाङः स्वास्थ्य कार्यालय बझाङले जिल्लाको बुङगल नगरपालिकाका विभिन्न स्थानमा सञ्चालन गरिएको पुरुषहरूका लागी स्थायी बन्ध्याकरण शिविरमा २५ जना नागरिकले सेवा लिएका छन् ।
पौष ३ गते देखि नगरपालिका भित्रका विभिन्न स्थानमा सञ्चालन गरिएको शिविरबाट २५ जना नागरिकले स्थायी बन्ध्याकरणको सेवा लिएको स्वास्थ्य कार्यालय बझाङका जनस्वास्थ्य निरीक्षक दीपक ऐडीले बताउनुभयो ।
पौष ३ गते बुङगल नगरपालिकाको दहबगर स्वास्थ्य चौकीमा सञ्चालन गरिएको पुरुष बन्ध्याकरण शिविरमा ९ जना पुरुषले स्थायी बन्ध्याकरणको सेवा लिएका छन् । जसमा देउलीकोट स्वास्थ्य चौकिमा ५ जना , खिरातडी स्वास्थ्य चौकीमा भएको शिबीरमा ६ जना र कफलसेरी स्वास्थ्य चौकिमा भएको शिबीरमा ५ जनाले स्थायी बन्ध्याकरणको सेवा लिनुभएको जनस्वास्थ्य निरीक्षक ऐडीको भनाइ छ ।
स्वास्थ्य कार्यालय बझाङ्गको आयोजना तथा बुङ्गल नगरपालिका खिरातडी बझाङको सहकार्यमा उक्त शिबीर सञ्चालन गरिएको हो । सन्तानको रहर पूरा भएका नागरिकले स्थायी बन्ध्याकरण गरेको स्वास्थ्य कार्यालयले जनाएको छ ।
शिबीरमा स्वास्थ्य चौकीका मेडिकल अधिकृतहरू, जिल्ला अस्पतालका सिनियर अहेव अधिकृत देवराज रताला, जनस्वास्थ्य निरीक्षक रामचन्द्र जोशी, स्वास्थ्य कार्यालय बझाङका जन स्वास्थ्य निरीक्षक दीपक ऐडि , ,दिपेन्द्र मिश्र लगाएतको चिकित्सकहरूको टोलिले सेवा दिएका छन् ।
