नलगाउँ, बेलकोटगढी नगरपालिका–९ मा रुख काट्ने क्रममा भएको दुर्घटनामा एक जनाको मृत्यु भएको छ भने दुई जना गम्भीर घाइते भएका छन्।
आफैंले काटेको रुखले लागेर ३५ वर्षीय प्रेम तामाङको घटनास्थलमै मृत्यु भएको जिल्ला प्रहरी कार्यालयले जनाएको छ। प्रहरी नायब उपरीक्षक विक्रम लामाका अनुसार सोही घटनामा ३७ वर्षीय अरुण तामाङ र ३३ वर्षीय माधव भुजेल घाइते भएका छन्।
घाइते दुवैको त्रिशूली अस्पतालमा उपचार भइरहेको र अवस्था गम्भीर रहेको बताइएको छ। घटनापछि स्थानीयवासीमा त्रास फैलिएको छ भने प्रहरीले घटनाबारे थप अनुसन्धान भइरहेको जनाएको छ।
