आजको मौसमः तातो लहरको चेतावनीसँगै पहाडमा वर्षा–हिमपातको सम्भावना

हाल नेपालमा पश्चिमी तथा स्थानीय वायुको आंशिक प्रभाव कायम रहेको मौसम पूर्वानुमान महाशाखा ले जनाएको छ। यस प्रभावका कारण कोशी प्रदेश, बागमती प्रदेश र गण्डकी प्रदेश सहित हिमाली तथा पहाडी भूभागमा सामान्यदेखि आंशिक बदली रहनेछ भने तराई क्षेत्रमा मौसम प्रायः सफा रहनेछ।

आज दिउँसो कोशी, गण्डकी र कर्णाली प्रदेशका हिमाली क्षेत्रका एक–दुई स्थानमा चट्याङ्गसहित हल्कादेखि मध्यम वर्षा र हिमपातको सम्भावना रहेको छ। उता मधेस प्रदेश लगायत देशका अधिकांश तराई तथा उपत्यकामा तातो दिन रहने र लुम्बिनी प्रदेश तथा सुदूरपश्चिम प्रदेश का तराई क्षेत्रमा तातो लहरको जोखिम देखिएको छ।

आज राति पनि पहाडी तथा हिमाली क्षेत्रमा आंशिक बदली रहनेछ भने कोशी प्रदेशका केही स्थानमा हल्का वर्षा र हिमपातको सम्भावना रहेको महाशाखाले जनाएको छ।