हिन्दू धर्मशास्त्रअनुसार हरेक बार कुनै न कुनै देवताको आराधना गरिन्छ, जसमा आइतबार सूर्य देव को विशेष पूजा गर्ने दिन मानिन्छ। यस दिन श्रद्धा र भक्ति सहित सूर्यदेवको उपासना गर्दा जीवनमा प्रतिष्ठा, आदर र सकारात्मक ऊर्जा प्राप्त हुने धार्मिक विश्वास छ। साथै, कुण्डलीमा रहेको सूर्यदोष शान्त हुने मान्यता पनि रहिआएको छ।
आइतबार बिहान चाँडै उठेर स्नान गरी नजिकको मन्दिरमा दर्शन गर्नु शुभ मानिन्छ। त्यसपछि शुद्ध मनले सूर्यदेवलाई जल अर्पण गर्दा पुण्य लाभ मिल्ने विश्वास छ। पूजाका क्रममा रातो फूल, रातो चन्दन, गुडहल र अक्षता चढाउनु उत्तम मानिन्छ भने गुड वा मिठाइ अर्पण गर्नु विशेष फलदायी हुन्छ। अन्त्यमा सूर्य मन्त्रको जप गर्दा मनोकामना पूर्ण हुने जनविश्वास छ।
