नेपाली कांग्रेसले राष्ट्रिय सभा दलको नेतृत्व परिवर्तन गर्ने तयारी थालेको छ। हालका नेता कृष्ण प्रसाद सिटौलालाई हटाएर नयाँ नेता चयन गर्ने प्रक्रिया अघि बढाइएको स्रोतले जनाएको छ।
कांग्रेस विधानअनुसार प्रतिनिधिसभा संसदीय दलका नेताले राष्ट्रिय सभा दलको नेता चयन गर्न पाउने व्यवस्था छ। यही प्रावधानअनुसार हालै प्रतिनिधिसभामा दलको नेतामा चयन भएका भीष्मराज आङ्देम्बेले अब राष्ट्रिय सभामा नयाँ नेतृत्व चयन गर्नेछन्।
नयाँ म्यान्डेटअनुसार नेतृत्व फेरबदल गर्न लागिएको बताइएको छ, जसले कांग्रेसभित्रको आन्तरिक समीकरणमा नयाँ संकेत दिने अपेक्षा गरिएको छ।
