बैतडीमा धनगढीबाट बैतडीतर्फ जाँदै गरेको यात्रुवाहक बस दुर्घटनामा परेको छ। शुक्रबार दिउँसो सुपप्र ०१००१ ख ३९६३ नम्बरको बस पाटन नगरपालिका–८ गैराखान क्षेत्रमा सडकबाट करिब ६० मिटर तल खसेको हो।
प्रत्यक्षदर्शीका अनुसार बस अनियन्त्रित भएर सडकबाट तल खसेको थियो। दुर्घटनापछि स्थानीयवासी, नेपाल प्रहरी तथा अन्य सुरक्षाकर्मी उद्धार कार्यमा खटिएका छन्। घाइते यात्रुको उद्धार गरी उपचारका लागि नजिकका स्वास्थ्य संस्थातर्फ पठाउने काम भइरहेको जनाइएको छ।
दुर्घटनामा कति यात्रु सवार थिए, कति जना घाइते वा मानवीय क्षति भएको छ भन्ने यकिन विवरण आउन बाँकी रहेको प्रहरीले जनाएको छ। घटनास्थलबाट थप विवरण सङ्कलन भइरहेको छ।
दुर्घटनाको कारणबारे पनि अनुसन्धान सुरु गरिएको छ। प्रारम्भिक जानकारीअनुसार बस सडकबाट करिब ६० मिटर तल खसेको भए पनि क्षतिको विस्तृत विवरण प्राप्त हुन बाँकी छ।
