कैलालीको घोडाघोडी नगरपालिका–९ का कृषक प्रदेशु चौधरीले पालेका ३८ बंगुर अफ्रिकन स्वाइन फिभरका कारण मरेका छन्।
पशु स्वास्थ्य प्राविधिक मनोज आचार्यका अनुसार, धनगढी र त्रिपुरेश्वरस्थित केन्द्रीय प्रयोगशालामा परीक्षण गरी रोग पुष्टि गरिएको हो।
हालसम्म चौधरीको फार्ममा ३२ पाठापाठी, पाँच माउ, र एक भाले बंगुर मरेका छन्। सुदूरपश्चिमका कैलाली र कञ्चनपुर जिल्लामा यो रोगको जोखिम उच्च रहेको जनाइएको छ।
अफ्रिकन स्वाइन फिभर भाइरसबाट फैलिने महामारी हो, जसले बंगुर र बँदेललाई संक्रमित बनाउँछ।
