अत्तरिया: कैलालीको अत्तरियामा फेला परेको शवको सनाखत भएको छ ।
अत्तरिया चौराहको दुर्गा मन्दिर परिसरमा हत्या गरेर फालिएको अवस्थामा गत बुधबार फेला शवको आज सनाखत भएको इलाका प्रहरी कार्यालय मालाखेतीका प्रमुख प्रहरी नायब उपरीक्षक गंगा बहादुर थापाले बताएका छन् ।
थापाका अनुसार शव डडेल्धुराको अमरगढी नगरपालिका वडा नम्बर- ७ स्थित पोखराका ३५ वर्षीय जगदीस कैनीको भएको पत्ता लागेको हो ।
जगदीसका दाजु राम कैनीले शवको सनाखत गरेका हुन् । अब पाष्टमार्टमको प्रक्रिया अगाडी बढाइने प्रहरीले जनाएको छ ।
हत्यारासम्म भने पुग्न सकेको छैन । घटनाबारे अनुसन्धान जारी रहेको प्रहरीको भनाई छ ।
प्रहरीका अनुसार जगदीस परिवारको सम्पर्कमै नरहने गरेका कारण शव सनाखत गर्न परिवारलाई समय लागेको हो ।
