विश्वकप क्रिकेट लिग २ अन्तर्गत शृङ्खलाको अन्तिम खेलमा नेपालले नेदरल्यान्ड्सलाई १६ रनले पराजित गरेको छ।
स्कटल्यान्डमा सम्पन्न खेलमा नेदरल्यान्ड्सले टस जितेर फिल्डिङ गर्ने निर्णय लिएको थियो। नेपालले पहिला ब्याटिङ गर्दै ५० ओभरमा ९ विकेट गुमाएर २३६ रनको चुनौती प्रस्तुत गरेको थियो।
नेपालका लागि आरिफ शेखले सर्वाधिक ८४ रनको योगदान दिएका थिए भने सन्दिप लामिछानेले बलिङतर्फ उत्कृष्ट प्रदर्शन गर्दै ३ विकेट लिएका थिए।
यसअघि पनि नेपालले सोही शृङ्खलामा नेदरल्यान्ड्सविरुद्ध विजयी भएको थियो। कुल ४ खेल खेलेको नेपालले ३ खेलमा जित निकालेको छ भने १ खेलमा मात्र हार बेहोरेको छ।
