साफ यू–२० महिला च्याम्पियनसिपअन्तर्गत नेपालले शनिबार भुटानलाई ८–० गोलअन्तरले पराजित गर्दै शानदार जित निकालेको छ। ढाकास्थित बसुन्धरा स्पोर्ट्स ग्राउन्डमा भएको खेलमा नेपालका लागि मिना देउवाले २, समीक्षा मगर, कुसुम खतिवडा र पूर्णिमा राईले ह्याट्रिकसहित ४ गोल गरेकी थिइन्।
पहिलो हाफमै नेपालले ५ गोल गर्दै अग्रता बनाएको थियो भने दोस्रो हाफमा थप ३ गोल गर्यो। यसअघि पनि नेपालले भुटानलाई ६–१ ले हराएको थियो।
नेपालले ५ खेलबाट १२ अंकसहित शीर्ष स्थानमा उक्लिएको छ। आयोजक बंगलादेशसँग पनि १२ अंक भए तापनि गोलअन्तरका आधारमा नेपाल अगाडि छ। अब सोमबार नेपाल र बंगलादेशबीचको खेल च्याम्पियन तय गर्ने निर्णायक हुनेछ। भुटान ३ अंकसहित तेस्रो र श्रीलङ्का अङ्कविहीन अवस्थामा पुछारमा छन्।
