नेपाल टेलिकमले दसैं, तिहार र छठको अवसरमा आफ्ना ग्राहकका लागि विशेष ‘दसैं-तिहार-छठ अफर २०८२’ ल्याएको छ। यस अफरमा मोबाइल सेवामा सहुलियत दरका भ्वाइस र डाटा प्याकेजसहित एफटीटीएच जडानमा समेत छुट उपलब्ध गराइएको छ। अफर असोज ६ गतेदेखि लागू हुनेछ।
एफटीटीएच सेवाका लागि नयाँ जडान गर्ने ग्राहकलाई रु. ५०० को जडान शुल्क मिनाहा गरिनेछ, जसले इन्टरनेट पहुँचलाई अझ सस्तो र सजिलो बनाउँछ। मोबाइल डाटा प्याकेजमा ‘फेस्टिभल अनलिमिटेड’ रु. ४९९ मा ५ जीबी डाटा उपलब्ध गराउँछ, जसको खपत पछि बाँकी अवधिभर २ Mbps गतिमा अनलिमिटेड डाटा प्रयोग गर्न सकिन्छ। ‘फेस्टिभल अनलिमिटेड प्रिमियम’ प्याकेज रु. ६९९ मा १० जीबी डाटा उपलब्ध गराउँछ, बाँकी अवधिभर ३ Mbps गतिमा अनलिमिटेड डाटा प्रयोग गर्न सकिने सुविधा छ।
भ्वाइस र एसएमएस प्याकेजमा ‘जोयफूल मिनेट्स’ रु. २५० मा १००० मिनेट अल-नेट भ्वाइस कलको सुविधा दिन्छ भने ‘फेस्टिभ म्यासेज प्याकेज’ रु. ९९ मा १००० अन-नेट एसएमएस उपलब्ध गराउँछ। प्रिपेड सेवाका प्याकेज २८ दिन र पोस्टपेड सेवाका प्याकेज ३० दिनको समयावधि राखिएका छन्।
ग्राहकहरूले मोबाइलबाट 141511# डायल गरेर वा ‘नेपाल टेलिकम एप’ प्रयोग गरी यी प्याकेज खरिद गर्न सक्नेछन्। यसले चाडपर्वमा परिवार, साथी र आफन्तसँग सहज सम्पर्क कायम राख्न र डिजिटल सेवाको प्रयोग बढाउन सहयोग पुर्याउने कम्पनीको भनाइ छ।
नेपाल टेलिकमको यो अफरले ग्राहकलाई आधुनिक सेवासँग जोड्दै डिजिटल जीवनलाई थप सहज, द्रुत र आकर्षक बनाउने लक्ष्य राखेको छ।
