🇳🇵 दुई ट्रफीसँग फर्कियो नेपाल, तर लिग–२ मा चारै खेलमा पराजय, मन्त्री गुप्ताले एयरपोर्टमै गरे स्वागत 😔🏏

सुदूरखबर संवाददाता २०८२ कार्तिक २१, शुक्रबार ०६:३३

मिनेट119जना

आईसीसी विश्वकप क्रिकेट लिग–२ अन्तर्गत युएई शृङ्खला खेलेर नेपाली राष्ट्रिय क्रिकेट टिम मध्यरातमा स्वदेश फर्किएको छ। विमानस्थलमा खेलकुद मन्त्री बब्लु गुप्ता, क्यानका सचिव पारस खड्कालगायतले टोलीलाई स्वागत गरे।

शृङ्खलामा नेपालले चारवटै खेलमा हार व्यहोऱ्यो। पहिलो खेलमा अमेरिकासँग १०६ रनले, दोस्रोमा युएईसँग ५ विकेटले, तेस्रोमा फेरि अमेरिकासँग ४ विकेटले र चौथो खेलमा पुनः युएईसँग ४ विकेटले पराजित भयो। लगातार पराजयपछि नेपाल लिग–२ को २० खेलमा जम्मा १२ अंकमा सीमित भएको छ।

यसअघि नेपालले यूएईमै भएको वेस्ट इन्डिजविरुद्धको *युनिटी सिरिज* जितेको थियो। त्यस्तै, ओमानमा सम्पन्न टी–२० विश्वकप छनोट प्रतियोगितामा पनि उपाधि उचाल्दै दुई ट्रफी नेपाल ल्याएको हो। व्यस्त तालिका र लामो विदेश बसाइपछि टिम अब केही विश्राम लिँदै आगामी खेलका तयारीमा जुट्ने बताइएको छ।