आगामी फागुन २१ गते हुने प्रतिनिधिसभा निर्वाचनका लागि हालसम्म कुल ६४ राजनीतिक दल दर्ता भएका छन्।
निर्वाचन आयोगका अनुसार आइतबारसम्म ५६ दल दर्ता भएका थिए भने सोमबार थप ८ दल दर्ता भएपछि संख्या ६४ पुगेको हो। आयोगले मंसिर १० गतेसम्म दर्ताका लागि समयसीमा तोकेको छ। मंसिर १ गते १२, २ गते ५, ३ र ४ गते ८–८, ५ गते ७ र ७ गते १६ दल दर्ता भएका थिए।
सोमबार नागरिक शक्ति नेपाल, नागरिक उन्मुक्ति पार्टी, मितेरी पार्टी नेपाल, प्रगतिशील समाजवादी पार्टी, नेपाल कम्युनिस्ट पार्टी (माओवादी), तराई–मधेस लोकतान्त्रिक पार्टी, राष्ट्रिय समुन्नति पार्टी, जनादेश पार्टी लगायत दर्ता भएका आयोगले जनाएको छ। कुल १३५ दर्ता दलमध्ये निर्वाचन प्रयोजनका लागि बुधबारसम्म पुनःआवेदन आवश्यक छ।
