🌿 बुधबारको धार्मिक महत्त्व : शुभ कर्मले खुल्छ समृद्धिको ढोका

आज २०८२ साल पुस २ गते बुधबार (सन् २०२५ डिसेम्बर १७), पौष कृष्ण पक्षको त्रयोदशी तिथि हो। हिन्दु धर्मशास्त्रअनुसार हप्ताको प्रत्येक बार कुनै न कुनै देवी–देवतासँग सम्बन्धित मानिन्छ। विशेष व्रत–उपवास बाहेक पनि धेरै श्रद्धालुहरूले आफ्नो इष्टदेवको पूजा गरी एक दिनको व्रत बस्ने परम्परा छ।

बुध ग्रहका लागि समर्पित दिन बुधबार हो। यस दिन विशेषगरी भगवान् विष्णुका अवतार श्रीकृष्ण (विथाल देव) को पूजा गरिन्छ। पूजा गर्दा तुलसीको पात प्रयोग गर्नु शुभ मानिन्छ। बुधबार नयाँ कामको थालनीका लागि अत्यन्तै अनुकूल दिन मानिन्छ। यस दिन श्रद्धापूर्वक व्रत बस्दा मनले चाहेको फल प्राप्त हुने धार्मिक विश्वास छ। बुधबार गरिएका केही शुभ कर्मले दीर्घकालीन सकारात्मक प्रभाव पार्ने मान्यता पनि रहेको छ।

बुधबार गाईलाई हरियो घाँस खुवाउँदा सबै देवी–देवताको कृपा प्राप्त हुने विश्वास छ। मुंगको दाल दान गर्दा कष्ट निवारण हुने, गणेश भगवानलाई सिन्दुर चढाउँदा मनोकामना पूरा हुने तथा बुध ग्रहको दोष भएकाले गणेशलाई लड्डु चढाउँदा लाभ मिल्ने धार्मिक ग्रन्थहरूमा उल्लेख पाइन्छ।