चीन ले अन्तरिक्ष कम्प्युटिङ उद्योगलाई तीव्र रूपमा अघि बढाउँदै नयाँ योजना सार्वजनिक गरेको छ। उपग्रह नेटवर्कमार्फत सिधै कक्षामै डाटा प्रशोधन गर्ने यस प्रविधिले परम्परागत डाटा सेन्टरभन्दा छिटो, ऊर्जा–किफायती र फराकिलो कभरेज दिने अपेक्षा गरिएको छ।
चाइना एकेडेमी अफ इन्फर्मेसन एण्ड कम्युनिकेसन टेक्नोलोजीका अनुसार कम्प्युटिङ स्याटेलाइटहरूले लेजर सञ्चारमार्फत तुरुन्तै डाटा प्रोसेस गर्न सक्नेछन्, जसले विपद् पूर्वचेतावनी र स्रोत अनुगमनलाई घण्टाबाट सेकेन्डमा झार्नेछ।
यस योजनामा हार्डवेयर, सफ्टवेयर, नेटवर्किङ र सुरक्षाका मापदण्ड विकाससँगै विकिरण प्रतिरोधी चिप्स र अन्तर-उपग्रह लेजर सञ्चार प्रविधिमा अनुसन्धानलाई प्राथमिकता दिइएको छ।
