शिक्षा, विज्ञान तथा प्रविधि मन्त्रालयले विद्यालयका शिक्षक र कर्मचारीलाई कार्यालय समयमा तोकिएको पोशाकमा टिकटक भिडियो बनाउँदै सामाजिक सञ्जालमा पोस्ट नगर्न निर्देशन दिएको छ।
मन्त्रालयका अनुसार, प्रधानमन्त्री तथा मन्त्रिपरिषद् कार्यालयबाट प्राप्त गुनासोअनुसार यस्तो सामग्रीले बालबालिकाको मनोविज्ञानमा नकारात्मक असर पुर्याउन सक्छ।
यसै आधारमा मन्त्रालयले सबै शिक्षक र कर्मचारीलाई विद्यालय समय र तोकिएको पोशाकमा टिकटक वा अन्य भिडियो सामग्री बनाउन र पोस्ट नगर्न आग्रह गरेको छ। मन्त्रालयको यो निर्देशले विद्यालयमा पेशागत अनुशासन कायम राख्ने र विद्यार्थीमाथि अस्वस्थ प्रभाव पर्ने जोखिम कम गर्ने उद्देश्य राखेको छ। सूचना सबैलाई अवगत गराउन जारी गरिएको हो।
