नेपालमा प्रजातन्त्र पुनर्बहाली भएको ऐतिहासिक दिनको स्मरणमा आज देशभर विभिन्न कार्यक्रम गरी जनआन्दोलन दिवस मनाइँदै छ। विसं २०४६ चैत २६ गते ३० वर्षे पञ्चायती शासन व्यवस्थाको अन्त्य गर्दै बहुदलीय प्रजातन्त्र पुनः स्थापना भएको थियो।
विसं २०१७ पुस १ गते तत्कालीन राजा महेंद्र वीर विक्रम शाह ले सुरु गरेको पञ्चायती व्यवस्थाको अन्त्य नेपाली कांग्रेस र वाम मोर्चाको संयुक्त जनआन्दोलनबाट सम्भव भएको थियो। करिब ५० दिनसम्म चलेको आन्दोलनमा गणेशमान सिंह को नेतृत्व महत्वपूर्ण रह्यो।
विसं २०४६ फागुन ७ गतेबाट सुरु भएको आन्दोलन उत्कर्षमा पुगेपछि तत्कालीन राजा वीरेन्द्र वीर विक्रम शाह ले चैत २६ गते बहुदलीय व्यवस्था पुनःस्थापनाको घोषणा गरेका थिए। यसले नेपालमा लोकतान्त्रिक शासन व्यवस्थाको नयाँ अध्याय सुरु गराएको ऐतिहासिक दिनका रूपमा स्थापित भएको छ।
