बिदेशबाट नेपालमा घर खर्चका लागि पैसा पठाउदै हो भने जानकारी लिनुहोस आजका लागि तोकिएको बिदेशी मुन्द्रा बिनिमयदर

नेपाल राष्ट्र बैंकले आजका लागि विदेशी मुद्राको विनिमयदर सार्वजनिक गरेको छ। राष्ट्र बैंकका अनुसार अमेरिकी डलर एकको खरिददर १५२ रुपैयाँ ९० पैसा र बिक्रीदर १५३ रुपैयाँ ५० पैसा कायम गरिएको छ। युरो १७९ रुपैयाँ ०५ पैसा, पाउन्ड २०९ रुपैयाँ २८ पैसा र स्वीस फ्र्याङ्क १९१ रुपैयाँ ३१ पैसामा बिक्री हुने गरी दर तोकिएको छ।

यस्तै अष्ट्रेलियन डलर १०९ रुपैयाँ ९८ पैसा, क्यानेडियन डलर ११० रुपैयाँ ९६ पैसा, सिङ्गापुर डलर १२० रुपैयाँ ८३ पैसा र चिनियाँ युआन २२ रुपैयाँ ८३ पैसामा बिक्रीदर कायम छ। भारतीय रुपैयाँ १०० को बिक्रीदर १६० रुपैयाँ १५ पैसा तोकिएको छ। राष्ट्र बैंकले आवश्यकताअनुसार विनिमयदर जुनसुकै समयमा संशोधन गर्न सकिने जनाएको छ।