अत्तरियाः निजी क्षेत्रबाट शिक्षा क्षेत्रमा गरेको अतुलनीय योगदानको कदर गरी गर्दै अत्तरियामा रहेको लोटस आई अंग्रेजी माध्यमिक विद्यालयका संस्थापक गिरीराज कडायतलाई राष्ट्रिय शिक्षा पुरुस्कार २०८१ बाट सम्मानित गरेको छ ।
शिक्षा विज्ञान तथा प्रविधि मन्त्रालयले लोटस आई अंग्रेजी माध्यमिक विद्यालयका संस्थापक गिरीराज कडायत सहित ३२ जनालाई राष्ट्रिय शिक्षा पुरस्कार प्रदान गरेको छ ।
मन्त्रालयले सार्वजनिक गरेको विवरण अनुसार निजी लगानीका विद्यालयका शिक्षक, कर्मचारी र संस्थापक तर्फ कोशी प्रदेशबाट पाँच जना, मधेशबाट पाँच, वाग्मतीबाट पाँच, गण्डकी प्रदेशबाट तीन, लुम्बिनी प्रदेशबाट पाँच, कर्णाली प्रदेशबाट चार र सुदुरपश्चिम प्रदेशबाट पाँच जना छानिएका छन ।
निजी क्षेत्रबाट शिक्षा क्षेत्रमा गरेको अतुलनीय योगदान गरेका सुदुरपश्चिम प्रदेशबाट पाँच जना छानिएका छन । जस अनुसार श्री पाटन भ्याली बोर्डिङ स्कुल पाटन बैतडीका संस्थापक नारायण सिंह भण्डारी, श्री जेशिश एभरेष्ट मा.वि. धनगढी २ वैयावेहडी कैलालीका संस्थापक करुणाकर पाण्डेय, श्री भागरथी एकेडमी सिलगढी डोटीका प्रिन्सिपल हेमराज मलासी, श्री क्रिएटरजोन एकेडेमी बडिमालिका ८ मार्तडी बाजुराका संस्थापक मीन बहादुर कार्की र श्री लोटस आइ सेकेण्डरी स्कूल अत्तरिया गोदावरी कैलालीका संस्थापक गिरिराज कठायत पुरुस्कृत भएका छन ।
