सुदूरपश्चिम सरकारको एम बि बि एस छात्रवृत्ति पाउने स्तुति सम्मानित

सुदूरपश्चिम सरकारले प्रदान गर्ने एमबिबिएस छात्र वृत्तिमा एक नम्बरमा नाम निकाल्न सफल भएकी स्तुति मिश्रलाई आज शारदा माध्यमिक विद्यायले एक कार्यक्रमका बिच सम्मान गरेको छ । कक्षा १० सम्म शारदा मा वि धनगढी –२, वैयावेहडीमा अध्ययन गरेकी स्तुतिले २०७७ सालको एसईई परीक्षामा ४ जीपीए ल्याएर उत्कृष्ट समेत भएकी विद्यालय परीवारले जनाएको छ ।

स्तुतिले गरेको यो शैक्षिक उपलब्धीले विद्यालय समेत गौरावान्दित भएकाले आज स्तुति र स्तुतिका बुवालाई विद्यालय परिवारले नगद ५ हजार सहित सम्मान गरेको शारदा माध्यमिक विद्यालयका प्रधानाध्यापक तेज बहादूर सिंह जानकारी दिए ।

सुदूरपश्चिम सरकारका मा. समाजिक विकास मन्त्री मेखराज खड्काले विद्यालयमा आयोजित कार्यक्रममा सम्मान गरेको हो । विद्यालय परिवारको तर्फबाट स्तुति मिश्रलाई अगामी शैक्षिक यात्राको उत्तरोउत्तर प्रगतिको शुभकामना समेत प्रदान गरिएको थियो ।