कैलालीको गोदावरीमा अत्याधुनिक उपकरणसहित नयाँ निजी स:मिलले व्यावसायिक कार्य प्रारम्भ गरेको छ। न्यु सबिता स:मिल नामक यस व्यवसायले शुक्रबार विधिवत् पूजा गरी सञ्चालनमा आएको हो।
स:मिललाई नेकपा एमाले प्रदेश कमिटी सदस्य गोकर्ण भट्टले स्थापना गरेका हुन्। भट्टका अनुसार, मिलको सञ्चालनको मुख्य उद्देश्य काठ चिरानका साथै खरिद-बिक्रीमा उच्च गुणस्तरको सेवा उपलब्ध गराउनु हो।
अत्तरिया–धनगढी मुख्य सडकखण्डमा अवस्थित यो स:मिलमा नेपालमै पहिलो पटक प्रयोग भएका अत्याधुनिक र नयाँ प्रविधि जडान गरिएको छ। मिलमा जडान गरिएका मेसिनहरूले कार्यलाई तीव्र, सहज र दक्ष बनाउने क्षमता राख्छन्।
संचालक भट्टले व्यवसायिक काष्ठ क्षेत्रमा लामो अनुभव भएका कारण यस क्षेत्रमा गुणस्तरीय सेवा दिनसक्नेमा विश्वास व्यक्त गरेका छन्। स्थानीय तथा क्षेत्रीय काष्ठ व्यवसायको प्रवर्द्धन गर्ने र रोजगारीको अवसर सिर्जना गर्ने उद्देश्यले यो स:मिल स्थापना गरिएको हो।
यससँगै, कैलाली र आसपासका क्षेत्रमा काष्ठ उद्योगले थप गति लिने अपेक्षा गरिएको छ। स्थानिय स्रोत-साधनको प्रभावकारी उपयोग गर्दै व्यावसायिक क्षेत्रमा योगदान पुर्याउने योजनासहित मिल सञ्चालनमा आएको बताइएको छ।
