आइतबार दिउँसो मुगु जिल्ला केन्द्रबिन्दु भएर ४.८ म्याग्निच्युडको भूकम्प गएको छ। राष्ट्रिय भूकम्प मापन केन्द्रका अनुसार भूकम्पको केन्द्रबिन्दु मुगुको जिमा क्षेत्रमा रहेको हो।
केन्द्रले जनाएअनुसार दिउँसो २ बजेर ३४ मिनेट जाँदा भूकम्प गएको हो। हालसम्म मानवीय वा भौतिक क्षतिको विवरण आइनसकेको जनाइएको छ।
भूकम्पको धक्का आसपासका पहाडी जिल्लामा पनि महसुस गरिएको जनाइएको छ। स्थानीय प्रशासन र सुरक्षाकर्मीलाई सतर्क रहन अनुरोध गरिएको छ।
