हाल देशभर मनसुनी वायुको सक्रिय प्रभाव कायम रहेको छ। मनसुनको न्यून चापीय रेखा औसतभन्दा उत्तरतिर सरेपछि अधिकांश प्रदेशहरूमा मौसम बदली भएको छ।
मौसम पूर्वानुमान महाशाखाका अनुसार कर्णाली र सुदूरपश्चिमका केही स्थान तथा कोशी, बागमती, गण्डकी र लुम्बिनीका थोरै ठाउँहरूमा मेघगर्जन, चट्याङसहित हल्कादेखि मध्यम वर्षा भइरहेको छ। सोमबार पनि यस्तै अवस्था कायम रहनेछ।
कोशीदेखि सुदूरपश्चिमसम्मका विभिन्न स्थानमा हल्कादेखि मध्यम र एक–दुई स्थानमा भारी वर्षाको सम्भावना छ। साथै, उच्च पहाडी र हिमाली भेगमा वर्षासँगै हिमपातको सम्भावनासमेत रहेको छ।
महाशाखाले सम्भावित वर्षाले भू-क्षय, बाढी, डुबान, पहिरो र गेग्रान बहावको जोखिम बढ्ने चेतावनी दिएको छ। ठूला–साना नदी तथा खोलामा पानीको बहाव तीव्र हुन सक्ने भएकाले जनसाधारण र सम्बन्धित निकायहरूलाई उच्च सतर्कता र पूर्व तयारी गर्न अनुरोध गरिएको छ।
