संविधान दिवस तथा राष्ट्रिय दिवस २०८२ आज विविध कार्यक्रमसहित मनाइँदैछ। राष्ट्रपति रामचन्द्र पौडेलको प्रमुख आतिथ्यतामा बिहान ८:३० बजे सैनिक मञ्च, टुँडिखेलमा मुख्य कार्यक्रम आयोजना हुँदैछ, जसलाई प्रधानमन्त्री सुशीला कार्कीले सम्बोधन गर्नेछिन्। वर्तमान राजनीतिक परिस्थितिलाई ध्यानमा राख्दै झाँकीलगायत अन्य कार्यक्रम भने स्थगन गरिएको छ।
संविधान २०७२ असोज ३ गते संविधानसभाबाट जारी भएको हो। नेपाली जनताको लामो सङ्घर्ष र बलिदानीपछि बनेको संविधानलाई तत्कालीन राष्ट्रपति डा. रामवरण यादवले नयाँ बानेश्वरस्थित अन्तर्राष्ट्रिय सम्मेलन केन्द्रबाट घोषणा गरेका थिए।
