नेपाली कांग्रेसका सभापति गगन थापा को १८ वर्षे संसदीय यात्रामा राष्ट्रिय स्वतन्त्र पार्टी (रास्वपा) का अमरेश कुमार सिंह ले ब्रेक लगाएका छन्।
आइतबार बिहान सम्पन्न सर्लाही–४ को मतगणनामा अमरेशले ३५,६८८ मत ल्याउँदै गगनलाई १२,८५७ मतान्तरले पराजित गरे। गगनले मात्र २२,८३१ मत प्राप्त गरे।
गगन थापा २०६४ सालदेखि संसदमा थिए र पछिल्लो तीन निर्वाचन लगातार काठमाडौं–४ बाट विजयी भएका थिए। उनी २०८२ पुसमा कांग्रेसको दोस्रो महाधिवेशनबाट सभापति निर्वाचित भई भावी प्रधानमन्त्रीको रूपमा अगाडि बढाइएका थिए।
उनको राजनीतिक यात्रा २०५१ साल त्रिचन्द्र क्याम्पसको स्वतन्त्र विद्यार्थी युनियन सदस्यताबाट सुरु भई, २०५५ सालमा स्ववियु सभापति, २०५७ साल नेपाल विद्यार्थी संघ उपाध्यक्ष र २०५९ सालमा महामन्त्री हुँदै राष्ट्रिय राजनीतिमा स्थायी प्रभाव राख्ने नेतामा परिणत भएको थियो।
