राष्ट्रिय स्वतन्त्र पार्टी (रास्वपा) बारा जिल्लाको विस्तारित बैठक शनिबार कलैयामा तनावपूर्ण बनेको छ, जहाँ कार्यकर्ताबीच चर्किएको विवादका कारण बैठक अवरुद्ध हुनुका साथै होहल्ला र धक्का–मुक्का भएको छ। बैठकमा जिल्लाका प्रतिनिधिसभा सदस्यहरू रहबर अन्सारी, अरबिन्द साह, गणेश धिमाल र चन्दन सिंह सहभागी भएका थिए।
उनीहरूले संस्थापक पक्षमाथि दबाब सिर्जना गर्ने प्रयास गरेपछि विवाद झन् चर्किएको बताइएको छ। स्थिति नियन्त्रणबाहिर गएपछि आक्रोशित कार्यकर्ताले उनीहरूलाई धक्का दिँदै बैठकस्थलबाट बाहिर निकालेका थिए। स्थिति तनावपूर्ण बनेपछि प्रहरीले घटनास्थलमा पुगेर अवस्था नियन्त्रणमा लिएको थियो। हालै मात्र संस्थापक जिल्ला अध्यक्ष चन्दन स्वर्णकारको सदस्यता खारेज भएपछि जिल्लाभित्रको विवाद अझ गहिरिँदै गएको छ र कार्यकर्ता असन्तुष्ट बनेका छन्। पार्टीभित्रको आन्तरिक विवाद समाधान गर्न नेतृत्व तहले छलफल अघि बढाउने तयारी गरेको बताइएको छ।
बैठकस्थलमा केही समयसम्म तनावपूर्ण अवस्था कायम रहँदा स्थानीय सुरक्षा निकायले अतिरिक्त सुरक्षाकर्मी परिचालन गर्नुपरेको थियो। घटनापछि बारा जिल्लामा रास्वपाको आन्तरिक शक्ति संघर्ष सतहमा आएको भन्दै राजनीतिक वृत्तमा चर्चा सुरु भएको छ। यस घटनाले आगामी संगठनात्मक निर्णयमा प्रभाव पार्ने अनुमान गरिएको छ। भने स्रोतहरू बताउँछन्। छलफल जारी छ
