लक्षी दत भट्टका केही उत्कृष्ठ गजलहरु

वर र पिपल मिलेर मात्रै चौतारी बन्दछ
मन र उमेर मिलेर मात्रै दौतरी बन्दछ
दया र माया लिनु र दिनु दैवको खेल हो
सत्यको पुजा गरेर मात्रै पुजारी बन्दछ
लुकाई राख ईतिहास बन्ला पुर्खाका गहना
संन्देश देउ संन्तानलाई उपकारी बन्दछ
न छोड सत्य ? सत्यले सधै मानवता सुर्धाछ
घरमा सधै अक्षय हुने भकारी बन्दछ
जीवन के हो नश्वर देह मृत्यु नै सत्य हाे
प्रेमको ज्वोती सत्यको मार्ग छहारी बन्दछ

॥१॥

ईज्जत अपना बचाते रहाे
दिलों में उम्मीदे जगाते रहाे
रिस राग ने परिवार टुट जाती
सत्कर्मका दीपक जलाते रहाे
दर्द दिलका सवसे कहना नही
जाे राज हाे दिलका छुपाते रहाे
अपना ताे अपना है ए दुनियाँ में
दुश्मन काे भि अपना बनाते रहाे
जाे हाेना तय है अाे हाेगा जरुर
सत्य कि एक दिवार उठाते रहाे
जाे लिखा दैव ने मुकद्दर में यहाँ
उसी से जिन्दगी सजाते रहाे
यह जिन्दगी दाे दिनका खेला
परिश्रम से राेटी कमाते रहाे
जाे है अपने पास रहेगा यही
प्रेम का जाम पिलाते रहाे
काेई बडा काेई छाेटा नही
दाे पलकी जिन्दगी सुनाते रहाे
तेरे मेरेका यह क्यु विवाद लक्ष्मी
कामयाबी से जिन्दगी हसाते रहाे

॥२॥

भयाे भेट पैले दिवानी भयो रे
उही साथ हाम्रो निसानी भयाे रे
कयौ काल टाढा बसेरै बितेको
उषा काल साथै बिहानी भयो रे
न बोले न भेटे बिलायौ कता खै
बिते साल धेरै सयानी भयो रे
यता सम्झि बस्थे वितेका पलैमा
चिना जान हाम्रोे नजानी भयाे रे
भए आज एक्लो भयाे बृद्ध बेला
रमाएर बस्ने परानी भयाे रे
थियो स्वार्थ थोरै लुकेको दिलैमा
छुटे आज सारा रवानी भयाे रे
न नाता न साथी यहाँ सत्यप्रेमी
यहाँ जीर्ण बन्दै खरानी भयाे रे

॥३॥

म जन्मे म हुर्के फुलेको धरा हाे
र लाली छरेरै खुलेको धरा हाे
मिलेकाे छ माटो पहाडी छटामा
मकै धान बाली झुलेको धरा हाे
अंगालो कसेरै यहाँ काम गर्दै
पसीना र माटो घुलेकाे धरा हाे
हरीयाे छ डाडो बशन्ती छटाले
बिसाैनी बनाई भुलेको धरा हाे
सधै प्रेमको मन्द मुस्कान छर्दै
सदा काममा नै चुलेको धरा हाे
रमाएर बाँच्ने थियो चाह मेराे
यसै भित्र घुम्ती डुलेकाे धरा हाे

॥४॥

पहाडी धरामा घडेरी छ ऐले
छ पानी बगेको पधेरी छ ऐले
ढुंगाले बनेको चिटिक्कै मिलेकाे
पुरानाे पराकाे कटेरी छ ऐले
फुलैकाे बगैचा फुलेकाे छ बारी
यहाँ छैन मान्छे खडेरी छ ऐले
संगैमा खुशीले बसेकाे छ बस्ती
कसेको छ नाता मझेरी छ ऐले
उषाले बिहानी नछर्दै धरामा
यहाँ काम गर्दै अधेरी छ ऐले

॥५॥

प्रेम नै हाे यहाँ साथ याे जिन्दगी
पुर्णिमा चाँदनी रात याे जिन्दगी
कामना मात्र के चाहियो भाग्यमा
माकुरी जाल झै घात याे जिन्दगी
कर्म को खेलमा मस्किदै लच्किदै
बालकाे माधुरी बात याे जिन्दगी
जिन्दगी काे यहाँ अर्थको वृत्तमा
प्राप्तिको आस मै गात याे जिन्दगी
प्रेमकाे रम्यता स्वर्ग झै पाउदा
स्वार्थमा जाकिने मात याे जिन्दगी
जीन्दगी रै छ यो कोपिला का सरी
भानुकाे राेशनी प्रात याे जिन्दगी
मोह माया भरी जिन्दगी भार भाे
प्रेम मै अल्झिने खात याे जिन्दगी
लक्षी दत भट्ट

धनगढी कैलाली