बझाङमा सार्वजनिक बित्त व्यवस्थापन सुधारका लागी स्थानीय लेखा समितिको भूमिका विषयक दुई दिने प्रशिक्षण कार्यक्रम सम्पन्न भएको छ । कमिटेड नेपालको आयोजना द एसिया फाउण्डेसनको सहयोगमा यही कार्तिक ६ गते बाट सञ्चालन भएको सार्वजनिक बित्त व्यवस्थापन सुधारका लागी स्थानीय लेखा समितिको भूमिका विषयक दुई दिने प्रशिक्षण कार्यक्रम आज सम्पन्न भएको हो ।
वित्तीय सुशासन कायम गर्न नियमितता, मितव्ययिता, कार्यदक्षता, प्रभावकारिता पुष्टि हुने गरी आर्थिक प्रशासन सञ्चालनका लागि आवश्यक नीति, योजना, कार्यक्रम निर्माण गर्र्न , सार्वजनिक खरिद सम्बन्धी प्रचलित कानूनको परिपालना गर्न, गराउन आवश्यक सहयोग पुग्ने केदारस्यु गाउँपालिका लेखा समिति सदस्य तस्बिर बिकले बताउनुभयो ।
१२ वटै स्थानीय तहका जनप्रतिनिधि, लेखा अधिकृत आलेप अधिकृतहरूको सहभागीता रहेको कार्यक्रममा लेखा समितिको काम कर्तव्य र अधिकार, बेरुजु फचौट लेखा परीक्षण लगाएतको बिषयमा जानकारी गराइएको थियो ।
जिल्ला समन्वय समितिका प्रमुख नर बहादुर बोहराको अध्यक्षतामा सञ्चालन भएको कार्यक्रममा प्रमुख अतिथि सुदूरपश्चिम प्रदेश निती तथा योजना आयोगका उपाध्यक्ष गणेश बहादुर विश्वकर्मा रहनुभएको थियो । कार्यक्रममा पुर्ब महालेखा परीक्षक महेश्वर काफ्ले र अनिरुद्र न्यौपानेले प्रशिक्षण दिनुभएको थियो ।
कार्यक्रमको समापन गदै जिल्ला समन्वय समितिका प्रमुख बोहराले यो कार्यक्रम जिल्लामा सञ्चालन हुनु नै ठुलो उपलब्धि रहेको भन्दै यस्ले स्थानीय तहको बेरुजु घटाएर स्थानीय तहमा सुशासन ल्याउन मद्धत पुग्ने बताउनुभयो ।
