सिद्धार्थ बैंक नेपाल प्रिमियर लिग (एनपीएल) अन्तर्गत शुक्रबार सुदूरपश्चिम रोयल्सले पोखरा एभेन्जर्सलाई १९४ रनको बलियो लक्ष्य दिएको छ। टस हारेर पहिले ब्याटिङ गरेको सुदूरले २० ओभरमा ७ विकेट गुमाउँदै १९३ रन जोड्यो।
१५ ओभरमा १६०–२ को अवस्थामा रहेर २०० पार गर्ने संकेत दिएको सुदूरको फिनिसिङ कमजोर रह्यो। अन्तिम ५ ओभरमा ३३ रन मात्र थप्दा ५ विकेट हातबाट गए। टोलीका जोश ब्राउनले ३५ बलमा ६८ रनसहित उत्कृष्ट प्रदर्शन गरे। उनले ६ चौका र ५ छक्का प्रहार गरे। विनोद भण्डारीले पनि ४२ बलमा ४३ रन जोडे।
बलिङतर्फ पोखराका जिमी नीशमले ३ विकेट लिए भने डान डौथवेट र आकाश चन्दले २–२ विकेट लिए। खेल अब रोचक बनेको छ, पोखराले यो ठूलो लक्ष्य पछ्याउने क्रममा कस्तो प्रदर्शन गर्छ, सबैको ध्यान त्यसैमा छ।
