मनाङ प्रतिनिधिसभा निर्वाचन क्षेत्रमा नेपाली कांग्रेसका टेकबहादुर गुरुङ निर्वाचित भएका छन्। मुख्य निर्वाचन अधिकृत रामप्रसाद पौडेलका अनुसार गुरुङले २,४१५ मत प्राप्त गर्दै स्पष्ट जित हासिल गरेका हुन्।
उनका निकटतम प्रतिस्पर्धी नेकपाकी यशोदा सुवेदी गुरुङले ४५४ मत प्राप्त गरिन्। त्यस्तै नेशनल मंगोल अर्गनाइजेसनका उम्मेदवार रामबहादुर घलेले ९ मत पाएका छन्।
मनाङमा मतगणना सकिएसँगै गुरुङले ठूलो मतान्तरले जित दर्ता गरेका हुन्। हिमाली जिल्लामध्ये मनाङमा कम मतदाता भए पनि चुनावी प्रतिस्पर्धा चासोका साथ हेरिएको थियो।
यो प्रतिनिधिसभा निर्वाचनमा नेपाली कांग्रेसको दोस्रो जित हो। यसअघि मुस्ताङबाट कांग्रेसका योगेश गौचन थकाली निर्वाचित भइसकेका छन्। हिमाली जिल्लाबाट कांग्रेसले लगातार जित निकाल्दा पार्टीभित्र उत्साह थपिएको छ।
