म्याग्दीमा मंगलबार (फागुन १३) बिहान भूकम्पका साना धक्का महसुस गरिएको छ।
राष्ट्रिय भूकम्प मापन तथा अनुसन्धान केन्द्रका अनुसार बिहान ५:५२ बजे म्याग्दीको डाँडागाउँ आसपास केन्द्रविन्दु भएर ३.४ म्याग्निच्युडको भूकम्प गएको थियो। त्यसपछि बिहान ६:१३ बजे म्याग्दीकै देवीस्थान आसपास केन्द्रविन्दु भएर पुन: ३.४ म्याग्निच्युडको अर्को भूकम्प मापन गरिएको छ।
केन्द्रका अनुसार यी साना धक्का हुन् र विशेष असर पार्ने खालका छैनन्। भूकम्पका यस्ता सानातिना धक्का मापन हुनु स्वाभाविक प्रक्रिया भएको केन्द्रले जनाएको छ।
