देशका केही भूभागमा आज हिमपात भए पनि वर्षाको सम्भावना भने छैन। देशभर मौसम आंशिक बदलीदेखि मुख्यतया सफा रहने जल तथा मौसम विज्ञान विभागले जनाएको छ।
कोसी र गण्डकी प्रदेशका उच्च पहाडी तथा हिमाली भूभागका एक-दुई स्थानमा हल्का हिमपातको सम्भावना रहेको विभागको पूर्वानुमान छ।
हाल देशमा पश्चिमी र स्थानीय वायुको आंशिक प्रभाव रहेको छ। यसै कारण बादल लागेको भए पनि वर्षा हुन सकेको छैन।
विभागका अनुसार पश्चिमी र स्थानीय वायुको उच्च प्रभाव परेमा वर्षाको सम्भावना रहनेछ।
