मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थान आसपास सक्रिय रहेकाले देशभर सामान्य बदली छ। कोशी र लुम्बिनी प्रदेशका धेरै स्थानमा, बागमती, गण्डकी, कर्णाली र सुदूरपश्चिमका केही क्षेत्रमा हल्कादेखि मध्यम वर्षा भइरहेको छ।
दिउँसो देशभर सामान्य बदली रहने र पहाडी भूभागका केही तथा तराईका थोरै क्षेत्रमा मध्यम वर्षाको सम्भावना छ। साथै, कोशी, गण्डकी, लुम्बिनी र सुदूरपश्चिमका पहाडी र तराई भूभागका एक–दुई स्थानमा भारी वर्षा हुन सक्छ। राति पनि यस्तै अवस्था रहने अनुमान छ। विशेषगरी कोशी, मधेस, बागमती र गण्डकीका धेरै स्थानमा मध्यम वर्षा हुने र ती प्रदेशका पहाडी क्षेत्रमा भारी वर्षा हुने सम्भावना छ।
लुम्बिनी र सुदूरपश्चिमका एक–दुई स्थानमा पनि वर्षा प्रबल हुनसक्ने भएकाले सतर्कता आवश्यक छ। महाशाखाले भारी वर्षाको सम्भावित प्रभावलाई ध्यानमा राखी सचेत रहन नागरिकलाई आग्रह गरेको छ।
