रौतहटका डा. रामजी रामलाई स्वास्थ्य तथा जनसंख्या मन्त्रीको जिम्मेवारी दिने तयारी गरिएको छ। उनी चमार समुदायका पहिलो एमबीबीएस डाक्टर हुन्। गरिबी, विभेद र संघर्षबीच उनले जीवनको सबै कठिनाइ जित्दै असम्भवलाई सम्भव बनाए।
काठमाडौं आएपछि सुकुम्बासी बस्तीमा बस्दै उनले ग्याँस चुलो मर्मतदेखि ट्युसन पढाएर जम्मा गरेको पैसाले पढाइ अघि बढाए। कहिलेकाहीँ घरबाट बनाएको रोटी अचारसँग खाएर दिन काट्थे।
२०७२ सालमा सरकारी छात्रवृत्तिमा एमबीबीएस पढ्ने मौका पाएका उनलाई किष्ट मेडिकल कलेजले १५ लाख मागेपछि अदालत धाउनुपर्यो। अन्ततः उनले न्याय पाए र अध्ययन जारी राखे।
चौथो वर्षमा पनि शुल्क नतिरेको कारण परीक्षा हलबाट निकालिँदा आँसु झरे, तर हार मानेनन्। निरन्तर संघर्षपछि २०७९ सालमा एमबीबीएस पूरा गर्दै नेपाल मेडिकल काउन्सिलको लाइसेन्स परीक्षा पास गरे।
आज त्यही सुकुम्बासी बस्तीको संघर्षले उनलाई मन्त्रालयको ढोका सम्म पुर्याएको छ — प्रेरणादायी उदाहरण, नयाँ पुस्ताका लागि आशाको प्रतीक।
