कर्णाली प्रदेशमा फागुनमा ट्राफिक कारबाहीमा परेका सवारीसाधनबाट कुल रु १३ लाख आठ हजार राजस्व संकलन भएको छ। नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय कर्णाली प्रदेश सुर्खेतका अनुसार प्रदेशका विभिन्न सडकखण्डमा १,४३१ सवारीसाधन कारबाहीमा परेका थिए।
फागुनमा ९३ सवारी दुर्घटना हुँदा आठ जनाको मृत्यु र १६० जना घाइते भएका छन्। दुर्घटनाका प्रमुख कारण तीव्र गति, मादक पदार्थ सेवन, चालक असक्षमता र गलत पार्किङ रहेकाले सडक सुरक्षा चुनौतीपूर्ण बनेको छ।
सडक दुर्घटना न्यूनीकरणका लागि ट्राफिक नियम पालनाबारे विद्यालय, कलेज, व्यवसायी, चालक र स्थानीय समुदायमा सचेतना कार्यक्रम सञ्चालन गरिएको छ। यस अभियानबाट ३२,५६ जना लाभान्वित भएका छन्।
फागुनमा कुल ७८,८३९ सवारीसाधनको जाँच गरिएको थियो, जसले प्रदेशभरको सडक सुरक्षा व्यवस्थामा सघाएको छ।
