देशभर मौसमी असर : कतै वर्षा, कतै तातो दिनको सम्भावना, तपाईको ठाउँमा कस्तो छ त मौसम ?

नेपालमा हाल उपल्लो वायुमण्डलमा पश्चिमी न्यून चापीय रेखा (ट्रफ) तथा स्थानीय वायुको आंशिक प्रभाव रहेको जल तथा मौसम विज्ञान विभाग नेपाल ले जनाएको छ।

विभागका अनुसार गण्डकी, लुम्बिनी, कर्णाली र सुदूरपश्चिम प्रदेशका साथै कोशी र बागमतीका पहाडी–हिमाली भूभागमा सामान्यतया बदली छ। कोशी, मधेश र बागमतीका तराई क्षेत्रमा भने मुख्यतया मौसम सफा रहेको छ।

लुम्बिनी र कर्णालीका पहाडी–हिमाली क्षेत्रका केही स्थान तथा कोशी, बागमती र गण्डकीका एक–दुई स्थानमा मेघगर्जन/चट्याङसहित हल्का वर्षा भइरहेको छ। हिमाली तथा पहाडी भूभागका केही स्थानमा मध्यम वर्षा वा हिमपातको सम्भावना पनि रहेको छ।

त्यसैगरी, मधेश प्रदेश तथा कोशी, बागमती र गण्डकीका तराई क्षेत्रमा तातो दिन हुने सम्भावना रहेकाले सतर्क रहन विभागले आग्रह गरेको छ। मौसमसम्बन्धी अद्यावधिक जानकारी लिन अनुरोध गरिएको छ।