चार महिनादेखि स्थगित रहेको सुदूरपश्चिम प्रदेश सभाको बैठक माघ ६ गते बस्ने तय भएको छ। असोज ५ गते स्थगित भएको यो बैठक प्रदेश सरकारको चालू आर्थिक वर्ष २०८१–०८२ को बजेट पारित भएपछि पहिलो पटक बस्न लागेको हो।
प्रदेश सभा सचिवालयका सचिव देवबहादुर बोगटीका अनुसार बैठक माघ ६ गते बिहान ११ बजेका लागि बोलाइएको छ। लामो समयसम्म स्थगनमा परेको प्रदेश सभाको बैठकले प्रदेश सरकारका विभिन्न नीतिगत र प्रशासनिक विषयमा छलफल गर्दै अघि बढ्ने अपेक्षा गरिएको छ।
यो बैठक चार महिनापछि बस्न लागेकाले राजनीतिक दलहरू, प्रदेश सरकार र आम नागरिकका लागि समेत महत्वपूर्ण मानिएको छ।
