एसिया कपमा बंगलादेशले अफगानिस्तानमाथि ८ रनको जित निकालेको छ। मंगलबार राति यूएईमा टस जितेर पहिले ब्याटिङ गरेको बंगलादेशले २० ओभरमा पाँच विकेट गुमाउँदै १५४ रनको चुनौती प्रस्तुत गर्यो।
बंगलादेशका तन्जीव हसनले ३१ बलमा तीन छक्का र चार चौकासहित ५२ रनको अर्धशतक प्रहार गरे। बलिङतर्फ अफगानिस्तानका रासिद खान र नोह अहमदले दुईदुई विकेट लिए।
१५५ रनको लक्ष्य पछ्याउँदै मैदानमा उत्रिएको अफगानिस्तानले पूरा २० ओभर खेल्दै १४६ रनमा समेटियो। रहमानुल्लाह गुरबाजले ३५, अज्मतुल्लाह ओमारजाईले ३० र कप्तान रासिद खानले ११ बलमा २० रन जोडे पनि जितका लागि त्यो पर्याप्त भएन।
अफगानिस्तानलाई रोक्न बंगलादेशका मुस्ताफिजुर रहमानले तीन विकेट, तस्किन अहमद र रसिद हुसेनले दुईदुई विकेट हात पारे।
यस जितसँगै बंगलादेशले चार अंक जोडेर दोस्रो चरण प्रवेशको सम्भावना बलियो बनाएको छ भने अफगानिस्तान दुई अंकसहित दबाबमा परेको छ।
