नेकपा (एमाले) निकट अनेरास्ववियुको २४ औँ महाधिवेशनबाट सुजन कडरिया अध्यक्षमा निर्वाचित भएका छन्। बिहीबार विद्युतीय प्रणालीबाट सम्पन्न मतदानमा कडरियाले ७३२ मत प्राप्त गर्दै प्रकाश पौडेललाई ७ मतले पराजित गरे। खुला उपाध्यक्षमा विकास श्रेष्ठ र महिलातर्फ अञ्जना सिवाकोटी विजयी भए।
महासचिवमा दीपक धामी ७८५ मतसहित निर्वाचित भए। सचिवमा आकाश घर्ती मगर, रचना सापकोटा, समिम बाबु खान र गोपाल नेपाल विजयी भए।
निर्वाचन आयोगतर्फ जितप्रसाद सिटौला अध्यक्षमा, प्रविन गिरी उपाध्यक्ष र विशाल पराजुली सचिवमा निर्वाचित भए। लेखा आयोगमा अञ्जली लम्साल अध्यक्ष, समीक्षा ढकाल उपाध्यक्ष र गगनसिंह बस्नेत सचिव बने। अनुशासन आयोगमा सुमन घिमिरे अध्यक्ष, आकाश गिरी उपाध्यक्ष र स्मृति अधिकारी सचिव निर्वाचित भए।
नीति, योजना तथा अनुसन्धान आयोगमा प्रकाश विष्ट अध्यक्ष, योगेश बम उपाध्यक्ष र विष्णु पाण्डे सचिवमा विजयी भए।
