मौसम पूर्वानुमान महाशाखा ले हाल देशमा पश्चिमी तथा स्थानीय वायुको आंशिक प्रभाव रहेको जनाएको छ। यसका कारण कोशी, बागमती र गण्डकी प्रदेशका पहाडी तथा हिमाली भूभागमा आंशिक बदली देखिएको छ भने अन्य क्षेत्रको मौसम मुख्यतया सफा रहेको छ।
आज दिउँसो तराईका केही स्थानमा बिहानको समयमा हुस्सु लाग्ने सम्भावना छ। कोशी प्रदेशका पहाडी तथा हिमाली क्षेत्रमा सामान्य बदली रहने र एक–दुई स्थानमा चट्याङ्गसहित हल्का वर्षा हुन सक्ने महाशाखाले जनाएको छ। बागमती र गण्डकी प्रदेशका पहाडी भूभागमा पनि आंशिक बदली रहनेछ।
आज राति तराईका थोरै स्थानमा तुवाँलो देखिन सक्नेछ। कोशी र गण्डकीका पहाडी तथा हिमाली क्षेत्रमा आंशिक बदली रहने र अन्यत्र मौसम सफा रहने पूर्वानुमान गरिएको छ।
